يعنى إيه زيت خليط؟!
بص يا سيدي بمنتهى البساطة ومن دون أي فزلكة كتير بيخلط زيت على زيت فبقى زيت خليط بس كدا.
دا عشان يقلل التكلفة ويبقى سعره حنين في إيد المستهلك، يعني مثلا زيت الذرة الصافي على سبيل المثال بـ١٠٠ جنيه اللتر، طب ما يخلي ثلث لتر زيت ذرة صافي وثلثين زيت صويا (زيت على قده ومش مستحب) سعره أرخص وحنين، وبكدا يبقى زيت خليط وسعر اللتر ينزل لـ٦٠ أو ٧٠ جنيه.
طب فين المشكلة يا دكتور؟! المشكلة إن إحنا عندنا بيكتبوا زيت خليط وبس، لكن ما بيكتبوش النسب، يعني أنا فوق لما اديت مثال قولت الثلث والثلثين، لكن أنت تيجي تمسك أي إزازة زيت تقرأ المكونات تلاقي المكونات أسامي الزيوت المستخدمة في الخليط، لكن عمره ما يكتب النسب.
وبناء عليه: هو ممكن يحط ١٠% زيت ذرة و٩٠% زيت صويا، مفيش حاجة حكماه وفي نفس الوقت يكسب أكتر وفي نفس الوقت هو مكدبش عليك، هو فعلًا زيت خليط! يعني باب خلفي مفتوح للتلاعب لأصحاب الضمائر المنعدمة!
طب السؤال الأهم: زيت الخليط يا دكتور كويس ولا لأ؟!
أضرار زيت الخليط
بصوا..
١- هو مش كويس للسبب اللي أنا شرحته فوق دا، اللي هو مش معروف النسب.
٢- غير إن في بعض زيوت الخليط الرخيصة بتستخدم زيت نخيل.
لكن نقدر نقول إن الزيوت الخليط “التي لا تحتوي على زيت نخيل” وعلى الرغم من عيوبها ومشاكلها إنها أحسن الوحشين، بس متعتمدش عليها في الأكل أوي. يظل الزيت الصافي ١٠٠% هو أفضل الاختيارت.
على سبيل المثال وبالترتيب:
زيت العباد ١٠٠%
زيت الذرة ١٠٠%
زيت الزيتون ١٠٠% (أحسنهم)
يا رب أكون شرحت لكم الموضوع شرح جيد وجاوبت عن أسألتكم.
مقالات ذات صلة:
تأثير الحالة الاجتماعية على سوء التغذية
ماذا يفعل الكورتيزون في الجسم؟
* تنويه: الأفكار المذكورة في المقال لا تعبر بالضرورة عن رأي الموقع.
_________________________________
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
