إيه اللي يخلي شاب صغير تجي له جلطة ويموت فجأة؟!
إزاي واحد يبقي في العشرينيات تجي له جلطة في شرايين المخ أو شرايين القلب ويموت فجأة؟ ويعني إيه جلطة المخ والسكتة الدماغية وجلطة القلب والسكتة القلبية؟ وهل ممكن وجع البطن يكون من مقدمات الجلطة؟ وإيه أهم إشارة تحذيرية للجلطات؟
بدايةً ..
الجلطة يعني كتلة من خلايا الدم بتتجمع وتلزق في بعضها وتلزق في جدار الشريان وتقفله، فالدم اللي وظيفته يجري في الشريان ويروح الخلايا يتوقف والخلايا اللي مش واصل لها الدم تتوقف عن العمل وقد تتلف وتموت.
نوعين من الخلايا لما بيموتوا مفيش خلايا تانية تنمو مكانهم: المخ والقلب. لو الجلطة كبيرة وفي شريان كبير بيغذي مساحة كبيرة من المخ ممكن تحصل سكتة دماغية؛ يتوقف المخ عن العمل وربما تحدث الوفاة. الكلام نفسه ينطبق على السكتة القلبية لما شريان القلب الكبير تتكون جواه جلطة وينسد انسدادًا كليًا، مساحة كبيرة من القلب تتلف وتموت وممكن القلب يتوقف.
هل وجع البطن ممكن يكون سببه جلطة؟!
أيوه جلطة الشريان التاجي الخلفي تسبب وجع وحموضة وحرقان في المعدة، جلطة شرايين الأمعاء
تسلخ، وتمدد الأورطي ممكن تحصل جواه جلطة.
إيه اللي يخلي شاب صغير تجي له جلطة؟
- التدخين.
- المسكنات.
- مشروبات الطاقة والمنشطات.
- المخدرات.
- تاريخ وراثي بارتفاع الكولسترول والدهون وقابلية التجلط.
- كورونا.
إيه أهم علامة تحذيرية لجلطة المخ؟ صداع، تنميل في جانب من الجسم، اختلال درجة الوعي.
إيه أهم علامة تحذيرية لجلطة القلب؟ وجع في منتصف الصدر.
هل الوقت يفرق في جلطات المخ والقلب؟!
طبعًا الوقت الذهبي الدقايق أو الساعات الأولى قد تنقذ حياة الشخص لو تم التدخل بالقسطرة أو الأدوية التي تذيب الجلطة، الكلام دا ينطبق على المخ والقلب.
هل الزعل والتوتر والصدمات العاطفية ممكن تعمل جلطة؟!
طبعًا ممكن تكسر القلب وتؤدي إلى اعتلال عضلة القلب، ويمكن تتسبب في جلطة في المخ أو القلب.
طبعًا ما تنسوش أحدث مسبب للجلطات: كوڤيد ١٩، اللي ممكن يعمل جلطة في الرئة، القلب، الكبد، الكلى، المخ، الجلد. علشان كدا دوا السيولة مهم جدًا في علاج كورونا.
مقالات ذات صلة:
* تنويه: الأفكار المذكورة في المقال لا تعبر بالضرورة عن رأي الموقع.
_________________________________
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
