بيتعمل جلسة تشخيصية، بيتوصل فيها المريض بجهاز مخصص لرصد الاضطرابات اللي بتحصل أثناء النوم وقياسها.
متى يتم استخدام جهاز السيباب؟
– أنا بشخر وأنا نايم، هل كده أعمل جلسة اضطرابات تنفس أثناء النوم واستعمل جهاز السيباب؟
لا طبعًا، لازم الأول أخصائي أنف وأذن يفحصك، لأن أحيانًا كتيرة بيكون في سبب في الأنف هو اللي مسبب الشخير، وبمجرد علاجه أو إزالته بيختفي الشخير.
– عندي ضيق تنفس وبنهج، هل أعمل جلسة اضطرابات تنفس وأستعمل جهاز سيباب؟
طبعا لأ، لأن فيه أسباب كتيرة للنهجان، منها حساسية الصدر والسدة الرئوية والتليفات الرئوية وغيرها من الأسباب، فلازم نستبعدها الأول وبعد كده نقيّم عمل الجلسة.
– أنا بنام على نفسي كتير بالنهار، هل أنا كده محتاج أعمل جلسة اضطرابات تنفس أثناء النوم؟
المفروض حضرتك الأول تعمل تحليل غدة درقية، لأن نقص إفرازات الغدة الدرقية ممكن يكون هو السبب في كثرة النوم أثناء النهار.
خلي بالك كمان لو الغدة الدرقية متضخمة فده ممكن يكون سبب في ظهور أعراض السدة التنفسية أثناء النوم، والأعراض بتختفي بمجرد إجراء الجراحة.
جهاز السيباب لمرضى السكر
– أنا تخين، فهل لو وزني نزل ده ممكن يقلل من حدوث انسداد التنفس أثناء النوم؟
أيوه طبعًا، ولو حضرتك بتستعمل جهاز سيباب ممكن جدًا تستغنى عنه.
– سكري مش مظبوط، وبيحصل لي أعراض السدة التنفسية أثناء النوم، فهل أعمل جلسة وأستعمل جهاز سيباب؟
اضبط سكرك الأول قبل عمل أي جلسة، لأن في أحيان كتيرة السكر العالي بيسبب انسداد للتنفس أثناء النوم، وبمجرد ضبط السكر الأمور بتتحسن.
كيف يعمل جهاز السيباب؟
– هل جهاز السيباب ده بيديني أكسجين؟ وهل ممكن يغني عن جهاز الأكسجين؟
لا طبعًا، جهاز السيباب مش أكسجين، ده جهاز بيطلع هواء قوي مضغوط علشان يفتح مجرى الجهاز التنفسي لو قفل وإنت نايم.
مقالات ذات صلة:
كيف نتنفس؟ وماذا يحدث عندما نتنفس؟
* تنويه: الأفكار المذكورة في المقال لا تعبر بالضرورة عن رأي الموقع.
_________________________________
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
