عايز اذاكر – الإصرار على النجاح والرغبة في المذاكرة
رحلة اهروب من المذاكرة !
انا مخنوق بجد يا محمود!
خير يا مصطفي مالك فيه إيه؟
أصلي حاسس بتقصير في المذاكرة ، أنا مش مركز خالص والامتحانات على الأبواب
طيب يعني المشكلة في المواد ولا فيك؟
لا، أصلي حاسس إني مش قادر أذاكر؟
إزاي يا جدع يعني مش فاهم المادة ولا إيه؟
لا أنا أصلاً مش في المود بتاع المذاكرة ، أقولك تعالى نخرج شوية ولما أرجع أبقى أذاكر
… وبعد ما رجع مصطفى لقى نفسه تعبان فنام وهو بيوعد نفسه إنه حبيدأ في المذاكرة تاني يوم… ليأتي اليوم التالي ويمر كسابقه
لو انت شبه مصطفي وبتمر بنفس الموضوع أنصحك اقرأ المقال هتستفيد
ليه مش بنعرف نذاكر؟
تعالوا نحلل الموضوع ببساطة
إحنا بنذاكر عشان نحقق النجاح وده هدف مرحلي لأهداف تانية، زي الوصول لسوق العمل وتكوين أسرة، وخدمة المجتمع وحجات تاني ولكن كلها مرتبطة ببعض
أول دافع ومحرك للمذكرة هو إن يكون عندنا خريطة لمستقبلنا بتتكون من أهداف مرحلية، فبالتالي أنا هبقى عارف أنا بعمل إيه، ويكون عندي النشاط اللازم لعمله، وفي هذا يقول الدكتور أحمد هارون الطبيب النفسى، ومستشار علاج الإدمان، في مقال له في اليوم السابع أن هناك عدة طرق تؤدي إلى زيادة رغبة الطالب في التعلم و المذاكرة ، من تلك الطرق هي مواجهة الطالب لنفسه وتحديد هدفه من المذاكرة ، وأن يضع أمامه هدفا واضحا، ولكي يشجع الطالب نفسه على المذاكرة لا بد من أن يضع لنفسه أهدافا قريبة المدى وأخرى بعيدة، كأن يسعى الطالب للتفوق في العام الحالي، ويحقق نجاحا أعلى في المرحلة التالية حتى يحصل على وظيفة جيدة.
تاني حاجة تنظيم الوقت، وده بيكون عن طريق عمل جدول زمني للمذاكرة وعشان يتنفذ لازم يكون في مكافئة للنفس أو عقاب ليها، يعني لو خلصت اللي ورايا النهاردة هخرج مع أصحابي، ولو مخلصتش هيكون العكس أو هحرم نفسي من حاجة متعود عليها زي سماع برنامج أو مسلسل.
طيب هل ده صحي؟ أيوه طبعاً الإنسان هو طبيب نفسه الأول، وهو أكتر شخص في الدنيا قادر على مساعدة نفسه فكان هو أحق من يعطيها أو يمنعها.
رقم تلاتة الاستفادة من الوسائل الحديثة: أصبح هنالك مواقع بحثية قوية موجودة تحت ضغط زر البحث، فكيف نحرم أنفسنا منها؟ اجعل المواد أكثر متعة بالتعمق في المواضيع، ابحث عن الأشياء التي لا تفهمها، وأثقل معلوماتك
بعد كل ما ذكرناه أحب أنوه إن هذا ليس الحل الحقيقي، بل إرادتك وإصراك على النجاح، فإذا أردت النجاح لن يتوقف أمامك شيء، أما ما ذكرناه فهو ليس إلا وسائل لتسهيل الأمر، فاستعن بالله وارسم خريطة لمستقبلك وابدأ بما تمتلكه من وقت ومن الآن… دمتم موفقين
اقرأ أيضا :
يعني ايه تربية ؟ ( الجزء الأول ) – ما المقصود بالتربية ؟ وما هو تأثير القدوة ؟
تنشئة الأجيال الجديدة وعملية التعليم –المعلم الفاضل يبني إنساناً للمجتمع
بعد أن اعتدنا الفساد، هل نفقد الأمل فى إنسانيتنا ؟ ومن هو البطل الحقيقي ؟
