مقبرة تُوت عنخ آمُون سرقت
المتهم هاورد كارتر اللي هو نفسه مُكتشفها بحسب التقارير، وبحسب مقال نزل على صحيفة الـGuardian البريطانية من كام يوم ولسه تقرير جديد نازل على BBC من ساعات والدنيا مقلوبة.
أسرار سرقة مقبرة الملك توت عنخ آمون عند الاكتشاف
كشفت التقارير دي ما وصفته بالأدلة الصادمة من خطابات كانت ما بين كارتر والسير آلان جاردنر واللي بيُعتبر واحد من علماء المصريات في بريطانيا واللي كان بيشتغل بشكل منفرد.
كارتر أرسل لـجاردنر قطعة أثرية وطلب منه الكشف عنها وبدوره عرضها جاردنر على السير ريكس أنجلباخ، واللي كان مسؤول عن المتحف المصري بالقاهرة في وقت سابق.
رد ريكس سبب صدمة للسير جاردنر لما وصفها بأنها بكل تأكيد قطعة مسروقة من مقبرة توت عنخ آمون، تحديدًا لأنها مُطابقة ومُماثلة لكل مقتنيات المقبرة.
الشيء اللي خلَّى جاردنر يرجع يرُد على هاورد كارتر بخطاب تاني يقوله فيه إنه تسبب في وضعه بموقف مُحرج جدًا بسبب اللي حصل، وإن القطعة بكل تأكيد مسروقة من مقبرة توت عنخ آمون بعد الكشف عنها.
هارد كارتر سرق مقبرة توت عنخ آمون
الجزء ده من الخطابات هو اللي كتبت عنه صحيفة الـGuardian وغيرها من الصُحف بس الأدهى لسه جاي.
الحقيقة إن ده جُزء من مجموعة كبيرة جدًا من الخطابات بين هاورد كارتر ومجموعة الباحثين، اللي هتصدر كلها في كتاب جديد للكاتب بوب برير أستاذ المصريات بجامعة لونج أيلاند.
اللي قال في تصريحات صحفية: “كان هُناك كثير من الشكوك حول حياة البذخ والترف التي كان يعيشها كارتر على الرغم من ادعائه أنه تعامل بكل شفافية مع المقابر المُكتشفة بمصر”.
التقرير بيكمل ويقول إن يُحتمل بأن كارتر كان فتح مقبرة توت عنخ آمون تحديدًا قبل الإبلاغ عن اكتشافها وسرق كمية كبيرة جدًا من المُقتنيات اللي جُوّاها والخطابات المُهمة جدًا وأرسلها إلى بريطانيا.
في سياق مُتصل..
كيف تم اغتيال تسلا
من كام شهر برضه تم الكشف عن مجموعة تانية من الخطابات اللي كانت ما بين كارتر والحكومة البريطانية واللي كان فيها كلام عن مصادر للطاقة واستخدام مصادر بديلة للطاقة.
تم تسليمها بعد كده لرجل أعمال بريطاني كان مسؤول عن مشاريع النفط والطاقة واكتشافات واختراعات نيكولا تسلا.
سلمه الخطابات دي عساه يقدر يستخلص منها اكتشافات واختراعات تساعد البشر على توليد الطاقة النظيفة كما كان الحال مع المصريين القدماء.
فاستخدمها تسلا بشكل يُمثل ضررًا لمصالح رجل الأعمال ده، وعليه تم اغتيال تسلا لإيقاف المشاريع دي، اللي كانت منقولة تقريبًا من الحضارة المصرية القديمة.
المُريب يا رفيق إن الأخبار دي قالبة الدُنيا برة، وهنا ولا حسّ ولا خبر.
بس كده.
لينك التقرير
اقرأ أيضاً:
تزوير التاريخ لا يكون فقط في كتب التاريخ
لقد سرق اللص هاتفي، ولكن ماذا سنأكل اليوم؟
* تنويه: الأفكار المذكورة في المقال لا تعبر بالضرورة عن رأي الموقع.
**************
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
