زيارة المعرض.. هو كالمتحف، ألا أجد مرشدا لي في هذا الزحام؟
زيارة المعرض
أدخل المعرض منين لو سمحت؟ فين بوابة الجمهور؟ أول مدخل بعد المترو. يااااااه أنا هقف في الطابور ده كله… ما شاء الله كل دول بيقروا… كل دول بيتثقفوا… كل دول عايزيين يعرفوا المنهج الصحيح، وبعد انتظار طويل دخلَت إلى المعرض… كتب فلسفية، كتب دينية، روايات، كتب تلوين للكبار، أبدا منيين يا أستاذ! طيب أشتري إيه؟
في رواية جديدة تعجبك جدا بتنقل بوستات الفيس بوك، وفي رواية واحدة بتتكلم عن مشاكلها في الميكروباص، لا سيبك منهم تعالى عندي كتاب عن عذاب القبر ونعيمه والأعشاب الطبية والحجامة والثعبان الأقرع، لا سيبك منهم دول مقفلينها تعالى عندي إسلام كيوت وجميل والمهم تكون حلو من جوه، لا سيبك منهم تعالى أنا هعلمك إزاي تحسن حياتك في عشر ثواني وإزاي تبقى مليونير في أسبوع، لا سيبك من السطحيين التافهين وتعالى للعمق والفلسفة الغربية والحداثة وما بعدها وإحنا عايشين ليه وكيف بدأ الخلق.
صدااااااااااااااااااااااااااااااااااااع… دوشة… لخبطة… أنا عايز أروح، أنا إيه اللي جابني هنا! ما كنت فضلت قاعد ع القهوة وخلاص، شاورما سوري يا أستاذ؟ طيب كشري؟ ولا تشرب عصير؟ ولا أقولك عندي قهوة هتعدل دماغك.
وبينما أشرب القهوة… أنا مش عايز أروح، أنا عايز أكمل، أنا عايز أتعلم، لكن مش عارف أبدا منين.
زمان لما كنت في متحف القاهرة مع الرحلة المدرسية كان معانا مرشد سياحي بيقولنا ويحكيلنا عن كل العصور والملوك والأسر، طيب ليه ميكونش فيه هنا مرشد سياحي يقولنا إزاي نقرأ ونبدأ منين في متحف الأفكار وإزاي بتاع التجارب والعلم مياخدنيش في طريقه وبتاع الخطابة والشعر ميأثرش على مشاعري.
مرشد لعرض الأفكار
ألا يستحق متحف الأفكار شيئا مثل هذا أم سنظل هائمين سارحين تائهين أم أن هذا هو ما يرضيهم!
أن نظل نتخبط ونترامى بين فكر هذا وفكر ذاك وأجندة هذا ومخطط ذاك وهذا يرى وغيره أتى بعده فوضع رؤية غيرها، ألا تستحق كل هذه الطاقات وكل هؤلاء الشباب أن يجدوا من يدلهم على الطريق ويرشدهم إلى بدايته ويضع أقدامهم عليه؟
إن البداية لا بد أن تكون خالية من أي رؤى وأفكار ومعتقدات وفلسفات لا بد أن تكون بداية مجردة خالية من أي عواطف، إننا نبدأ مع الطفل بأن يزحف ثم يقوم ويقع ثم يمشي ويقع ثم يتعلم المشي في النهاية بعد كبوات كثيرة وبعدها هو من يختار لنفسه هل يريد أن يكون عدَّاءا أم لاعب كرة قدم أم يقود دراجة أم شيءا آخر؟
وبالمثل كيف البداية في عالم الأفكار؟ البداية ليست بالجري حتما سنتعلم كيف نحبوا أولا.
اقرأ أيضاً .. قراءة في فضل القراءة
اقرأ أيضاً .. الثقافة وأزمتها
اقرأ ايضاً .. هل يوجد أمل ؟
لقراءة المزيد من المقالات يرجى زيارة هذا الرابط.
ندعوكم لزيارة قناة أكاديمية بالعقل نبدأ على اليوتيوب.
