الفول
الفول نعمة من عند ربنا يا رب احفظها من الزوال، غني بالبروتين والألياف والحديد وفيتامين ب. الفول مهم للوقاية من مرض السكر، إذ إنه يحتوي على نسبة بروتين نباتي عالية جدًا، وفيه نسبة ألياف عالية جدًا.
فيه نقطة مهمة جدًا: بينشط هرمونات الجهاز الهضمي وبينشط الإنسولين، وبينشط 3 هرمونات شبع: هرمون اسمه جي إل بي 1، وإحنا بنستخدمه دلوقتي في علاج السكر. هرمون تاني اسمه بي واي واي ودا هرمون مهم جدًا لقفل الشهية، وهرمون تالت اسمه أميلين.
الفول مهم للوقاية من جلطات القلب وتصلب الشرايين ويخفض الكولسترول.
الألياف الموجودة في الفول ومضادات الأكسدة تقي من السرطان، الوقاية من التهابات الأعصاب وعلاجها، الوقاية من الأنيميا وعلاجها.
إضافة زيت الزيتون الطازج والبيض والليمون والكمون، تزيد من فوائد الفول.
هتقول لي بيرفع مستوى يوريك أسيد وبيعمل نقرس، هاقول لك قال تعالى: (وَكُلُوا وَاشْرَبُوا وَلَا تُسْرِفُوا).
هتقول لي عندي حساسية منه هاقول لك حظك بقى، شوف البدايل زي اللوبيا والفاصوليا والحبوب الكاملة.
مقالات ذات صلة:
العلاقة بين مكون الغذاء والسرطان
هل النباتات تشعر وتتفاعل مع ما حولها مثل البشر؟!
* تنويه: الأفكار المذكورة في المقال لا تعبر بالضرورة عن رأي الموقع.
_________________________________
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
