أكتر إنسان مرتاح
أكتر إنسان مرتاح في الدنيا المستغني
مش مِستنِّي.. ولا مِتمنِّي..
مِن حدّ كتير ولا قليِّل
مش بيمَيِّل..
ولا يمسح جُوخ
وإنْ مهما يدُوخ..
لا يُقَف على باب..
ولا يِفْرِد عَشَمُه على الأعتاب
رغم إنُّه تملِّي بيسعى وياخُد بالأسباب
لكنْ بغلاوة وعِزَّة نَفْس
لا طموح مجنون.. ولا نعرة يأس
مؤمن.. بالله
وإنّ ماحدِّش..
يِملك للرزق سبيل إلَّاه
فالدنيا ف عينُه رخيصة وفانية ومِتْهانة
وتملِّي يقول: الرزق كتير..
لكن أعظم مِ الرزق “العين المليانة”
عايش.. أنفاس
فيشوفه الأهوَج مِتْأَنّي
ويشوفه المهموم مِتْهَنّي
ويشوفه العاقل مستغني
ويشوفه الجاهل… أغنى الناس
مقالات ذات صلة:
لماذا جهازك العصبي متعب وروحك جائعة
* تنويه: الأفكار المذكورة في المقال لا تعبر بالضرورة عن رأي الموقع.
_________________________________
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
