ليه ساعات نشرب القهوة فننام؟
عشان أجاوبك عن سُؤال زي ده لازم أروح الأول لنُقطة عميقة جدًا لفهم الإجابة، النوم بتاعك ده خاضع لحاجتين أساسيتين “دورة اليوم 24 ساعة، الأدينوزين”، بس إيه الأدينوزين ده؟
ما هي مادة الأدينوزين؟
مبدئيًا، أنت أول ما بتصحى بيبدأ مُخك في إفراز مادة كيميائية بشكل بطيء جدًا، وبهدوء شديد جدًا، المادة دي اسمها “الأدينوزين”، ودي بتفضل تتصاعد ببطء شديد في المُخ وكمية ضخها للمُخ بتزيد لحد ما توصل للقمة في مُنتصف الليل وتحديدًا الساعة 11 ليلًا، وقتها يُصيبك النُعاس الشديد فتنام.
المادة دي مسؤولة بشكل مُباشر عن النوم، وبيبدأ المُخ في إفرازها من أول ما بتصحى بكميات زي ما فهمتك ضعيفة لحد ما توصل للذُروة بليل.
تداخل الكافيين مع دورة النوم والاستيقاظ
الكافيين عامةً بقى بيعمل للمادة دي Block فأنت بكوب قهوة بسيط ولمُدة 7 ساعات من بعده مُخك بيكُون بيفرز “الأدينوزين” بس أنتَ مش حاسس بتأثيره خالص،
فبتحس أنك فايق وكده، والإحساس ده ناتج عن المنع لتأثير “الأدينوزين” ده على مُخك ووعيك، فتحس إنك أنشط وفايق أكتر، الكبد هو المسؤول عن تفتيت “الكافيين” من الجسم وبياخُد في العملية دي 7 ساعات مُتواصلـة.
طبعًا مُجرد ما الكافيين خرج من جسمك، أنت بتجيلك حالة اسمها “صدمة الكافيين”، واللي بتكُون عبارة عن أثر فوري وصدمة فورية بتحصَل لك لما كميات “الأدينوزين” المُتراكمة في مُخك وأنت لم تشعُر بيها دي، ف
جأة ومرة واحدة تحس بيها وتبدأ يجيلك حالة نُعاس كده مُمكن في نُص يومك عادي جدًا، فأنت تفتكر أنك عايز تنام فعلًا، وإن الحل الوحيد عشان تفوق “فنجان قهوة” تاني، بس أنت كده بتبدأ دورة سبع ساعات جديدة للكبد في مُحاولته لتفتيت الكافيين وإخراجه من جسمك.
أسباب الشعور بالنعاس بعد شرب القهوة ليلا
طيب نفترض إن الكلام ده بقى حصل في آخر اليوم؟ أنت بتكون عُرضة لصدمة قوية جدًا من أشد أنواع “صدمات الكافيين“، واللي بتخليك مهما شربت قهوة هتنام،
لأن ببساطة “الأدينوزين” بقى في قمة ذروته وبدأ يتم ضخه بأعلى كمية وفي أعلى مُستوى خلاص، بس أنت محتاج فعلًا توقف الصدمة دي فقط، بس “الأدينوزين” خلاص غرق وعيك وفعلًا بدأت تنام.
بس كده.
اقرأ أيضاً:
* تنويه: الأفكار المذكورة في المقال لا تعبر بالضرورة عن رأي الموقع.
*****************
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
