فن وأدب - مقالاتمقالات

غنوتين

قبل فجر الانتصار

وانتحار اليأس فينا

وفي عينينا الخوف يموت

قبل ما يرفرف سلامنا

والوطن يبقى له صوت

قبل ما يهب السكوت

والبيوت ترفع راياتها

فوق مرارة ذكرآياتها

والكرامة تبقى قوت

قبل ما الأحلام تاخدنا

والأمل ياخد بإيدنا

والأنين يهجر وجودنا

والسنين السوء تغيب

السلاح هو الطبيب

لما يبقى الجرح تار

والكفاح هو الخيار

ضد أوكار الغرور

قبل ما يثور الزناد

والجهاد يعبر حدودنا

قبل ما دموع الهزيمهّ

تختفي من فوق خدودنا

قبل ما يخضر وجودنا

جوة بور التوههّ بر

قبل سر الأرض

ما يعض الندّامهّ

ياما جوة القهر نمنا

واستغطينا بعدمنا

وانكفينا في التدني

واختفينا في التمني

وانطفينا م المحال

قبل ما نشد الرحال

من حصار الاحتلال

واحتمال مش راضي يطرح

والظنون م الحيرة تطرح

والسراب يعوي وينبح

ينطح الليل النهار

كانت الأخبار كبيسة

كانت الأفكار خبيثة

كانت الأزهار حبيسة

جوة ميت مليون سؤال

والخيال واقف ثبات

والآهات في القلب نار

الخيار مالهوش بديل

والكفاح هو السبيل

طول ما فيه فى عروقنا دم

وطول ما فيه في الأرض نيل

وأما نبقى في يوم مطية

لليهود والعنصرية

الوطن يصبح ضحية

والتاريخ يصبح غريب

الطبيب هو السلاح

لجل ما تطيب الجراح

وأما خيط الفجر لاح

والصباح شقشق وبان

الأمان سلم علينا

وفي عينينا النصر بات

يقسم الأوقات معانا

وفي هنانا الصبر غنى

للحبايب غنوتين

للي كدوا واللي عدوا

واللي سدوا باب آلامنا

واللي خلوا النكسة نصر

أفرحي بعيدك يا مصر

* تنويه: الأفكار المذكورة في المقال لا تعبر بالضرورة عن رأي الموقع.

اقرأ أيضاً:

تلات وردات

تـــــواه

مشاوير

اظهر المزيد

عبد الله محمد الهادي عبده بخيت

عقيد متقاعد بالقوات ( الجويه ) من ابطال ملحمة العبور أكتوبر 1973 عضو إتحاد كتاب مصر عضو مجلس إدارة اتحاد كتاب مصر فرع الشرقية والقناة وسيناء عضو جمعية الأدباء فرع القاهرة رئيس نادى أدباء التل الكبير

مقالات ذات صلة

زر الذهاب إلى الأعلى