فن وأدب - مقالاتمقالات

عدلك يزينك

يا حضن ساعنا

وجمعنا مبدأ المساواة

مسلم مسيحي حبايب

والوطن لله

الوحدة توبك

ومكتوبك تاريخ مشهود

الاسم مالي الوجود

والأصل يا محلاه

موال وجودنا

مناة العدل يشجينا

ياخد بإيدنا

ووسط الحق يرمينا

يمسح عنينا

ويرحمنا من الأهوال

وعلى اليمين والشمال

تضحك أمانينا

الظلم عتمة هتعمينا

ومش هنشوف

وهيفضل القهر يروينا

مرار الخوف

وكشوف حياتنا

هتشرق من كفوف الآه

وجفاة في عز الوجع

تقل موازينك

عدلك يزينك يا بلدي

والشموخ هيزيد

وهتوصلي للعلالي

وتبقى أحلى  نشيد

وتقيد شموعك إيدينا

والأمل فينا

ما هو مستحيل هتفوتينا

في الربوع مطاريد

يا خلق هوه استقيموا

وجملوا الاخلاق

خلو االسماح والصراحة

والأدب ترياق

أوراق حياتكم في دنيتكم

سطور أعمال

العدل هو الكمال

والاحتمال منظور

الحلم نور الحياة

والحكمة موانيها

خليك مسالم

وعالم بالأمور فيها

عديها بالجدعنة

والاحترام والزوق

وادي الحقوق حقها

فعلك يرسيها

كل الخلايق واسيها

واوعى م التفرق

ويبقى عدلك وظلمك

مضمارين في طريق

خللي صديق سكتك

زوقك وحب الخير

تلقى عبير الحياة

من سمعتك فواح

الود مداح

وعدل العمر يقعد لك

اقرأ أيضاً:

دعوة للتسامح

روح الحياة

مشاوير

* تنويه: الأفكار المذكورة في المقال لا تعبر بالضرورة عن رأي الموقع.

عبد الله محمد الهادي عبده بخيت

عقيد متقاعد بالقوات ( الجويه ) من ابطال ملحمة العبور أكتوبر 1973 عضو إتحاد كتاب مصر عضو مجلس إدارة اتحاد كتاب مصر فرع الشرقية والقناة وسيناء عضو جمعية الأدباء فرع القاهرة رئيس نادى أدباء التل الكبير

مقالات ذات صلة