بيحصل مع السيدات أكتر؛ حوادث الغرق، الصدمات، فقدان حبيب أو شخص عزيز أم أو أب، الانفعالات الحادة والأخبار السيئة والكوارث الطبيعية، التشنجات، بيحصل بعد الظهر غالبًا.
أعراض متلازمة القلب المكسور
أعراضه زي أزمات القلب: ذبحة صدرية ونهجان، ورسم القلب زي جلطات الشريان التاجي: التروبونين وإنزيمات القلب بترتفع، القسطرة بتجيب من الآخر؛ بتصور الشرايين التاجية وتظهر إنها مفتوحة وبتفرق بين الجلطة والقلب المنكسر، وحقن البطين الأيسر بالصبغة يظهر اتساع وترهل في قمة القلب زي البالون.
التفسير العلمي لمتلازمة القلب المكسور
الزعل بينشط الجهاز العصبي السمبثاوي، اللي بيفرز أدرينالين بكميات كبيرة جدًا نتيحة الزعل، الأدرينالين بيعمل اعتصار للقلب فبيحصل انقباض في قاعدة القلب وتمدد بالوني في قمة القلب زي ما هو باين في الصورة. انكسار حقيقي للقلب!
العلاج التحفظي مفيد، ٢٠٪ من الحالات بتحصل فيها مضاعفات مضادات الإنزيم ايس بتساعد في الوقاية من القلب المنكسر.
أيوة الزعل ممكن يعمل سكتة قلبية وموت مفاجئ كمان، بص للصورة اللي على اليمين، دا قلب مكسور، شوف الفرق بينه وبين الصورة اللي على الشمال قلب سليم.
كسرة القلب والقلب المكسور نتيجة الزعل الشديد، علشان كدا دايمًا أقول لكم ما تزعلوش.
مقالات ذات صلة:
تصحيح بعض المفاهيم عن أمراض القلب
علامات ودلالات وجود حالة نفسية
بين التعقل والوهم قد تفقد حياتك
* تنويه: الأفكار المذكورة في المقال لا تعبر بالضرورة عن رأي الموقع.
_________________________________
لمتابعة قناة اليوتيوب لأكاديمية بالعقل نبدأ، اضغط هنا
لقراءة المزيد من المقالات، اضغط هنا
